Moogse zekge dasse ein jubileum höbs asse 3 jaor besteis? Weer vinje van waal! 't Ware 3 sjieke jaore mit steeds meer optraejes. Dit jaor waere 't d'r weer meer! Zo höbbe we kommende maondje aug nog get op 't program.

Zaoterdig 2 april gaon we nao Azerao, wo we te gast zeen in Café de Keizer. We zeen benuujd of we mit halfvaste nog ins eine keer zo te keer kinne gaon as mit de vastelaovend zelf.

Daonaeve sjteit aug nog op de plenning dat we op 5 mei sjpele biej Briels in Roggel. Vastelaoveszunjig ging 't daak al draaf, op bevrijdingsdaag doon we dat nog ins döbbel en diek euver. We haope ug weer allemaol te zeen biej ein van os optraejes, en onthaaj: "Mit 'n badmöts oppe kop waere dien haore neet naat!"

De nuuj datums van de badmötse optraejes zeen bekintj! Meer informatie volg zogauw es veer aug meer weite... Zo wiej 't d'r noe oetzuut zulle we 2 daag van de vastelaovend in Belfeld te vinje zeen. Zaoterdigs zette v'r Mofert oppe kop en Dinsdigs feeste v'r nog aeve door biej Jill Murphies in Remunj. Daonaeve zal Keup, de zènger van de badmötse nog solo optraejes doon op onger angere de Sjtasiefestasie..

't Duit os good te kinne melde dat ozze zènger, Keup, de leedjesaovend van de Sjtadsvastelaovesvereniging haef gewonne.. Mit 't leedje Sjtasiefestatie zal d'r dit jaor in Remunj veul mitgezonge gaon waere... Wult g'r meer wete van de leedjesaovend, kiek dan op de websait van D'n Uul. www.dn-uul.nl

V'r zeen al maondje aaf aan 't telle en noe is 't zo wied! De vastelaovend geit beginne! Keup zal names de Badmötse de vastelaovend inluide op 't Kloosterwandjplein op d'n 11e van d'n 11e. 's Aoves zal Keup aug nog zènge in de Waegbrök, wo de men van de Boks, de boks weer op greun gaon zette.. Veer winse ug noe alvas eine sjoone vastelaovend!