Korte Bio

De Badmötse zeen opgerich in 2009. Live meziek mit de vastelaovend, dat is nog altied ’t sjoonste dat d’r is. Kinne swinge op meziek gesjpeeld door ein live band!

’t Idee hong al sinds 2008 in de loch. En naodat Geert en Lynyrd eine keer op de bühn sjtonge biej ZaalAcht in Remunj en dao mitsjpeelde mit De Wauze waerde ’t tied veur serieuze sjtappe. Ein repertoire waerde vasgelag en de muzikante waerde biejein gezoch. ’t Jaor d’rop stonge de Badmötse veur ’t eers op ’t podium.

De formule bleek te wirke want ’t jaor d’rnao waerde de leedjesaovend van D’n Uul in Remunj gewonne door Keup. Ondanks dat Keup die optraejes allein deej, goof dit de band natuurlik aug eine impuls. Vanoet alle heuk van Limburg wis men de Badmötse te vinje.

Kefees, zale, tente en pleine, euveral wit de band 't publiek te pakke mit hun waas-se-zuus-is-was-se-kriegs show. Heerlikke dialek-meziek dae idderein kint, mit aaf en toe ein Duits tintje. Gebrach door eine euvertuugende frontman en muzikante die geine frygische toonladder oet de waeg gaon.

De Badmötse zeen (vlnr)...

Michel - drums, Geert - gitaar en zank, Keup - gitaar, koebel, tamboerijn, zeijver en zank, Joep - basgitaar en zank, Dominic - penspiano en toetse.